Nýsköpunarmiðstöð Íslands, nýsköpun og ræðumennska

Undanfarið hef ég verið í talsverðum samskiptum við Nýsköpunarmiðstöð Íslands.  Starfsemin þar hefur komið mér skemmtilega á óvart.  Þar starfar mikið af fólki sem er fullt af fróðleik um allt sem við kemur nýsköpun.

Það veitir ekkert af því að hrósa þeim fyrir mikið og gott starf.

Ég hef verið á ýmsum námskeiðum hjá þeim.  Þar má nefna námskeiðið Stofnun og rekstur smáfyrirtækja, sem var 35 klst. að lengd, kennt á rúmri viku.  Námskeiðið var kærkomið þar sem mér fannst það að miklu leyti binda saman háskólanámið mitt sem ég var að klára fyrir tæpu ári síðan.  Mér þætti reyndar ekki vitlaust að skylda viðskiptafræðinga til þess að fara í gegnum svona námskeið að loknu háskólanámi til þess að tengja saman alla þekkinguna sem nemendur hafa verið að afla sér á þremur árum.  

Helsti kostur námskeiðsins, að mínu mati, var sá að eftir að hafa verið í námi þar sem kafað var ofan í eitt efni í einu án þess að tengja fögin saman þá var gott að fara á námskeið þar sem fjallað er um stofnun fyrirtækis frá upphafi og þar til varan er komin á markað og farin að seljast.  Að sama skapi virðist mér þeir sem ekki höfðu viðskiptanám á bakinu líka hafa lært heilmikið og að þeir hafi verið ánægðir með það sem þeir fengu úr þessu.

Annað efni sem ég fékk að kynnast hjá Nýsköpunarmiðstöð bar yfirskriftina: "Að kveða sér hljóðs".  Eins og titillinn ber með sér þá fjallaði það námskeið um ræðumennsku.  Á einni klukkustund fékk ég allmarga góða punkta sem ég á eflaust eftir að nýta mér í framtíðinni. 

Ég er heppinn að því leytinu að ég hef fengið að spreyta mig á ræðumennsku undanfarna mánuði, en áður en ég fékk það tækifæri hafði ég óbeit á slíku og fannst fátt eins óspennandi og það að standa fyrir framan hóp af fólki og tjá mig.  En nú er það liðin tíð, og ég er ekki frá því að ég sé farinn að hlakka til þess að gera það aftur, frekar en hitt.  Að sumu leyti er þessi viðsnúningur vegna t.d. umrædds námskeiðs, en að mestu leyti vegna þess að ég stökk út í djúpu laugina og treysti því að það kæmi eitthvað gott úr þessu.  En ég á von á að ég fjalli betur um það í annarri bloggfærslu.

Lykilorð:  Nýsköpunarmiðstöð Íslands, viðskipti, námskeið, ræðumennska, að halda ræðu, nýsköpun, stofnun fyrirtækja

Ódýr og mjög góð auglýsing

Það þarf oft ekki mikið til þess að fá umfjöllun um allan heim, bara eina góða hugmynd.

Hvernig má lækka kostnað við húshitun

Þar sem kostnaður við húshitun hefur verið mikið í umræðunni undanfarið útaf væntanlegum gjaldskrárhækkunum þá vil ég birta aftur grein sem ég skrifaði fyrr á árinu um það hvernig varmadælur virka og geta lækkað kostnað hjá mörgum.

Þá vil ég einnig benda á vefsíðuna varmadaela.is, en ég fæ upplýsingar mínar að mestu þaðan, og vefsíðuna esnord.is, en ES Nord varmadælurnar eru nýkomnar á íslenskan markað.  Hjá ES Nord er hægt að fá varmadælur sem eru ólíkar þeim á varmadaela.is að því leyti að sumar þeirra taka varma úr vatni til þess að hita upp húsnæði á meðan vörurnar á varmadaela.is taka varmann úr loftinu.

Hér er greinin frá því í júlí:

 

Ég las grein eftir Þorstein I. Sigfússon, prófessor við Háskóla Íslands og forstjóri Nýsköpunar-miðstöðvar Íslands, um varmadælunotkun á Íslandi í Fréttablaðinu í dag (sjá Sparnaðarvirkjun).  Hann fjallar stuttlega um hvernig varmadælur virka, en það má í stuttu máli segja að þær virki eins og öfugur ísskápur.

Ég fékk fyrir ekki svo löngu að prófa svona varmadælu hjá Hannesi Sigurðssyni, góðum vini mínum.  Það kom mér mikið á óvart hversu vel þær virkuðu.  Hann selur varmadælur sem taka varmann úr loftinu og þarf því ekki að bora fyrir varmanum eins og Þorsteinn talar um í sinni grein.

Dæluna sem ég fékk að prófa (sem var Panasonic dæla, hann selur þó einnig Fujitsu dælur) hafði hann sett upp á heimili sínu. Það var nokkuð kalt inni hjá honum en þegar hann kveikti á varmadælunni þá tók það aðeins stutta stund að hita upp stofuna hjá honum.

Það er í raun ótrúlegt að þessi græja virkar svona vel og gæti því lækkað húshitunarkostnað hjá mörgum.

Að auki sagði hann mér að hægt væri að fá endurgreiddan stóran hluta eða allan kostnað frá ríkinu fyrir að setja upp svona varmadælu. Á þessum tímum held ég að það sé ekki hægt að biðja um meira en að geta lækkað húshitunar kostnað hjá sér verulega og þurfa, þegar upp er staðið, ekkert að greiða fyrir það.

Fyrir þá sem hafa áhuga, er hægt að lesa spurningar og svör um varmadælur hérna. 

Aðrir áhugasamir um orkusparnað geta svo skoðað alla vefsíðuna hans, varmadaela.is, því þar er að finna ýmislegt áhugavert, svo sem vindmyllu, sem hann prófaði reyndar sjálfur á sínu heimili og virkar vel, og veðurstöðvar.

Lykilorð: varmadælur, vindmyllur, veðurstöðvar, orkusparnaður, húshitun, sparnaður, rafhitun, ES Nord

 

Húshitun þrefalt dýrari úti á landi

Sprotafyrirtækið Heyr heyr

Núna eru liðin tvö ár frá stofnun Heyr heyr ehf.  Þannig að ég ætla aðeins að fara yfir stutta sögu fyrirtækisins.  Það er heilmargt sem við höfum gert á þeim tíma, en enn meira sem við hefðum viljað gera. 

Saga fyrirtækisins er nokkurnvegin þessi:

Fyrirtækið stofnað

Í júní 2008 var fyrirtækið stofnað með það að markmiði að framleiða hljóðvörur fyrir börn.  Leikstjóri, hljóðhönnuður og tónlistarmaður sem höfðu áhuga á börnum og barnaefni hittust og vildu samnýta krafta sína.  Þeir komust að því að það sem þeim fannst gaman að gera gæti verið eitthvað sem krakkar vildu hlusta á.  Eitthvað sem fengi ímyndunaraflið til þess að fara í gang hjá krökkum.

Fyrsta varan

Áður en hafist yrði handa við fyrstu barnavöruna vildum við framkvæma hugmynd sem við fengum um að framleiða þjóðsagnageisladiska.  Hugmyndin á bakvið þá var sú að Íslendingar eiga fullt af góðum sögum, þjóðsögunum, sem við þekkjum misvel.  Við vissum að við gátum gert eitthvað sem sumu fólki fannst gamalt og óspennandi að einhverju nýju og skemmtilegu.  Það var líka reyndin að fjölmargir höfðu áhuga á disknum og höfðu hann með sér í sumarfríið.

Okkur tókst að fá Sigurstein Másson til þess að vera með okkur í þessu og lesa sögurnar inn á diskana, en okkur fannst svolítið skemmtilegt að það gerði það að verkum að gömlu þjóðsögurnar minntu svolítið á Sönn íslensk sakamál, sem Sigursteinn talaði svo eftirminnilega inn á í sjónvarpinu.  Hljóðið varð svo enn skemmtilegra þegar við bættum inn okkar eigin tónlist og bakgrunnshljóðum.

Næsta vara

Auðvitað vissum við um leið og við sáum að íslensku þjóðsagna diskarnir seldust svona vel að það hlyti að vera markaður fyrir svona diska á ensku.  Því fórum við strax í það að leita að rétta manninum í að tala inn á enska útgáfu.  

Terry Gunnell, breskur prófessor í þjóðfræði við HÍ, sem einnig er menntaður í leiklist, var tilvalinn í hlutverkið.  Diskurinn Icelandic Folktales: Elves, Trolls and Mythic Creatures tókst einstaklega vel til og er tilvalinn fyrir ferðamenn sem vilja kynnast íslenskri menningu.

Seinna kom það líka í ljós að starfsfólki Icelandair leist einstaklega vel á diskinn og vildi fá að hafa hann í afþreyingarkerfinu sínu.  En samningar tókust um það í byrjun þessa árs.

Þriðja varan

Sumarið 2009 sömdum við svo við Loftkastalann um framleiðslu á hinu þekkta jólaævintýri Charles Dickens, Jólasögu.  Fljótlega var Laddi fenginn til þess að leika öll hlutverk sýningarinnar.  Hann var stórkostlegur í öllum hlutverkum sínum og einstaklega gaman að fá að taka þátt í þessu.  Sérstaða sýningarinnar, fyrir utan Ladda í 50 hlutverkum, var að svakalega flottur hljóðheimur var hannaður fyrir sýninguna.  Sviðsmyndin var aðeins hvítir veggir, en hljóðmyndin sagði alla söguna.

Að auki framleiddum við stúdíóútgáfu af verkinu á geisladiski sem kom út fyrir jólin 2009.

Næstu vörur

Fjölmargar hugmyndir hafa verið í vinnslu frá fyrstu mánuðum fyrirtækisins.  Reyndar eru hugmyndirnar svo margar að við getum eflaust aldrei framkvæmt þær allar, en það gefur okkur tækifæri til þess að sigta út bestu hugmyndirnar.  Okkur finnst líka skemmtilegt að nýsköpun er í raun hluti af vinnunni hjá okkur.  Við viljum helst ekki festast í einhverju ákveðnu fari þó við höfum ákveðna stefnu.  Núna ætlum við þó að einbeita okkur að því sem við einsettum okkur fyrst, að framleiða skemmtilegar vörur fyrir börn.

Framtíðin

Á næstunni förum við svo líklega í það að finna okkur réttu aðilana til þess að fjármagna frekar rekstur fyrirtækisins og taka þátt í þessu ævintýri okkar.  Það verður gaman að fara frá því að reka fyrirtækið í hlutastarfi yfir í að sinna rekstrinum af fullum krafti.

Það eru spennandi tímar framundan og verður gaman að geta tekið þátt í að minnka atvinnuleysið á Íslandi því það má gera ráð fyrir fjölda starfa hjá Heyr heyr þegar fram í sækir.

Lykilorð: Saga Heyr heyr, sprotafyrirtæki, íslenskar þjóðsögur, jólasaga, laddi, geisladiskar, barnaefni

Varmadælur til húshitunar

Ég las grein eftir Þorstein I. Sigfússon, prófessor við Háskóla Íslands og forstjóri Nýsköpunar-miðstöðvar Íslands, um varmadælunotkun á Íslandi í Fréttablaðinu í dag (sjá Sparnaðarvirkjun).  Hann fjallar stuttlega um hvernig varmadælur virka, en það má í stuttu máli segja að þær virki eins og öfugur ísskápur.

Ég fékk fyrir ekki svo löngu að prófa svona varmadælu hjá Hannesi Sigurðssyni, góðum vini mínum.  Það kom mér mikið á óvart hversu vel þær virkuðu.  Hann selur varmadælur sem taka varmann úr loftinu og þarf því ekki að bora fyrir varmanum eins og Þorsteinn talar um í sinni grein.

Dæluna sem ég fékk að prófa (sem var Panasonic dæla, hann selur þó einnig Fujitsu dælur) hafði hann sett upp á heimili sínu. Það var nokkuð kalt inni hjá honum en þegar hann kveikti á varmadælunni þá tók það aðeins stutta stund að hita upp stofuna hjá honum.

Það er í raun ótrúlegt að þessi græja virkar svona vel og gæti því lækkað húshitunarkostnað hjá mörgum.

Að auki sagði hann mér að hægt væri að fá endurgreiddan stóran hluta eða allan kostnað frá ríkinu fyrir að setja upp svona varmadælu. Á þessum tímum held ég að það sé ekki hægt að biðja um meira en að geta lækkað húshitunar kostnað hjá sér verulega og þurfa, þegar upp er staðið, ekkert að greiða fyrir það.

Fyrir þá sem hafa áhuga, er hægt að lesa spurningar og svör um varmadælur hérna. 

Aðrir áhugasamir um orkusparnað geta svo skoðað alla vefsíðuna hans, varmadaela.is, því þar er að finna ýmislegt áhugavert, svo sem vindmyllu, sem hann prófaði reyndar sjálfur á sínu heimili og virkar vel, og veðurstöðvar.

Lykilorð: varmadælur, vindmyllur, veðurstöðvar, orkusparnaður, húshitun, sparnaður, rafhitun

 

Nova nýtir tækifærið á 17. júní

Það var gott markaðsstarf sem gladdi eflaust marga á 17. júní hjá símafyrirtækinu Nova.  Ég, konan mín og dætur mínar tvær mættum tiltölulega snemma niður í bæ þetta árið.  Það var nú ekki leiðinlegt að fá þær móttökur þegar við komum að fá fríar helíum blöðrur fyrir stelpurnar á laugaveginum... í boði Nova.

Á tímum þegar maður vill spara hverja krónu þá kemur þetta sér vel og fékk Nova plús í kladdann hjá mér fyrir góða markaðssetningu.  Svo mátti sjá merki Nova á blöðrunum um allan bæ eitthvað fram eftir degi.  Þegar kom svo að því sem gerist alltaf, að allavega ein blaðran fýkur upp í loftið, þá leið mér ekki eins og ég væri að sjá peningana mína fjúka í burtu, enda var blaðran ókeypis.

Það sem var samt kannski merkilegast við þetta var að dætur mínar virtust ekkert kippa sér upp við það að blöðrurnar væru merktar einhverju fyrirtæki í staðinn fyrir að vera með mynd af Disney eða Latabæjarfígúru.  Það var alveg nóg að fá bara blöðru.  Líklega hefur blöðrusölum tekist að selja mér þá hugmynd að blöðrurnar þyrftu endilega að hafa einhverja flotta mynd.

Lykilorð: markaðssetning, blöðrur, latibær, disney. nova

Markaðssetning stjórnmálamanna

Það hefur lítið farið fyrir markaðssetningu stjórnmálamanna fyrir komandi sveitastjórnakosningar.  Ég veit ekki hvort ástæðan sé einfaldlega sú að það þorir enginn lengur að biðja um eða fá styrki fyrir markaðssetningu, enda er það ekki vinsælt þessa dagana.

Það er þó einn flokkur sem hefur ekki haldið aftur af sér.  Hann hefur þó eflaust ekki notað háar fjárhæðir í markaðssetninguna heldur verið hugmyndaríkur.  Enda er flokkurinn skipaður fjölmörgum listamönnum sem hafa atvinnu af því að vera skapandi.

Flokkurinn sem ég er að tala um er að sjálfsögðu Besti flokkurinn.  Jón Gnarr og félagar hafa verið duglegir að koma sér að í fjölmiðlum enda er hann skemmtilegur maður og þar af leiðandi skemmtilegt fréttaefni.  Flokkurinn hefur þar að auki verið duglegur að nýta sér fría vefmiðla til þess að dreifa jákvæðu efni um flokkinn.

Þessi flokkur sem hefur minni reynslu en allir hinir í stjórnmálum hefur greinilega meiri reynslu í að finna skapandi lausnir.  Það er spurning hvort það sé ekki það sem Reykjavík þarf á að halda; nýjar leiðir til þess að leysa vandamálin og leiðirnar mega ekki kosta neitt.  Það er einmitt það sem Besti flokkurinn hefur sýnt að hann getur í aðdraganda kosninganna.  Ég vona bara að Besti flokkurinn geti haldið áfram að vera skemmtilegur eftir kosningarnar.

Lykilorð: Besti flokkurinn, stjórnmál, kosningar, borgarstjóri, jón gnarr

Góð og þægileg síða

Þessi síða, datamarket.com, er einstaklega þægileg í notkun.  Ég hef aðeins skoðað hana eftir að hafa lesið þessa frétt og finnst hún virka mjög vel.  Þarna er safnað saman upplýsingum sem ég hef oft verið að leita að með hjálp skýrslna og excel skjala sem eru mistorskilin og ekki öll mjög þægileg aflestrar.

Það besta við hana er þó að þarna er safnað saman gagnasöfnum frá mörgum aðilum og hægt að finna nánast allt á sama stað - ókeypis.

Það liggur við að ég hlakki til að gera næsta skólaverkefni þar sem ég þarf að finna gögn, sjá hvort þetta sé eins þægilegt og ég vona.  Fleiri lönd þyrftu svo að taka sér þetta til fyrirmyndar því ég hef oft verið að leita að upplýsingum um önnur lönd og átt erfitt með að finna þær.  Yfirleitt fær maður reyndar ágætis upplýsingar frá Hagstofum landanna en ekki alltaf mjög aðgengilegar fyrir útlendinga.

Lykilorð: datamarket, gagnasafn, hafstofa, excel, skýrslur

Opna gagnatorg á netinu

Ætli Katla fari að gjósa?

Ég veit það ekki.

En ég þekki hins vegar söguna um það af hverju eldfjallið Katla heitir Katla. Við hjá Heyr heyr tókum nefnilega upp söguna (hún er lesin af Sigursteini Mássyni) og bættum við tónlist og umhverfishljóðum og settum hana á einn geisladiskinn okkar, Íslenskar þjóðsögur II.

Hérna geta áhugasamir hlustað á þjóðsöguna.

Katla í Kötlugjá

Lykilorð: mp3, Katla í Kötlugjá, saga, eldfjall, Íslenskar þjóðsögur II

Er brjáluð mamma góður talsmaður? :)

Ég sá þessa auglýsingu hérna sem var birt á Pressunni.

Þetta er myndband sem fær eflaust góða dreifingu þannig að það eru margir sem sjá þetta.  En er það í alvöru að virka að hafa brjálaða mömmu sem þolir ekki drykkinn sem er verið að auglýsa og ætlar að kasta syni sínum að heiman vegna smá hrekks sem tengist drykknum?

Veit ekki... ég reyndar hefði líklega aldrei heyrt af þessum drykk ef það hefði ekki verið fyrir þetta myndband.

Lykilorð: markaðssetning, myndband, orkudrykkur, video